“აი, რატომ მძულს ჟურნალისტები!“ _ ჟურნალისტებზე ძალადობაში კიდევ ერთი ეჭვმიტანილი დააკავეს

ჟურნალისტის პროფესიულ საქმიანობაში ძალადობის მუქარით უკანონოდ ხელის შეშლის, ძალადობითა და ძალადობის მუქარით დევნის, ჯგუფური ძალადობის ფაქტებზე კიდევ 1 პირი, 1992 წელს დაბადებული დავით კუტალაძე დააკავეს. ამის შესახებ ინფორმაციას შსს ავრცელებს. შსს-ს ცნობით, გამოძიებით დადგინდა, რომ მიმდინარე წლის 5 ივლისს ორგანიზაცია „სირცხვილიას“ ოფისში ბრალდებულმა ფიზიკური და სიტყვიერი შეურაცხყოფა მიაყენა ტელეკომპანია „ტვ 1“-ის გადამღებ ჯგუფს სამსახურებრივი მოვალეობის შესრულებისას. გამოძიება სისხლის სამართლის კოდექსის 154-ე მუხლის მე -2, 156-ის მე -2 ნაწილის “ა” და 225-ე მუხლის მე-2 ნაწილით მიმდინარეობს. 5 ივლისს მედიის წარმომადგენლების მიმართ განხორციელებული ძალადობის ფაქტებზე დაწყებული გამოძიების ფარგლებში სამართალდამცველებმა სულ 20 პირი დააკავეს, მათ შორის – 5 ტელეკომპანია „ტვ 1“-ის გადამღებ ჯგუფზე ფიზიკური და სიტყვიერი შეურაცხყოფისთვის. დანაშაულში მონაწილე სხვა პირთა დადგენა-დაკავების მიზნით გრძელდება საგამოძიებო-ოპერატიული ღონისძიებები”, – აცხადებენ შსს-ში. სოციალურ ქსელებში თავად დავით კუტალაძე საუბრობს, თუ როგორ და რატომ სძულს ჟურნალისტები. ავტორი: ლისა კოროშინაძე