დაკარგული ჯარისკაცი იპოვეს

მეოთხე მექანიზებული ბრიგადის ჯარისკაცი, რომელსაც 4 დღის განმავლობაში ეძებდნენ, ნაპოვნია, _ ინფორმაციას "რუსთავი 2" ავრცელებს. თეიმურაზ გიუნაშვილი ცოცხალი და უვნებელია. არსებული ინფორმაციით, თეიმურაზ გიუნაშვილს ერთ-ერთ სასტუმროში მიაგნეს. როგორც ცნობილია, სამხედრო მოსამსახურე თავს კარგად გრძნობს. თუ რას უკავშირდება მისი გაუჩინარება, ამასთან დაკავშირებით გამოძიება მიმდინარეობს. შსს თანამშრომლები ამ წუთებში გარდაბნის პოლიციაში კითხავენ გიუნაშვილის ოჯახის წევრებს.