ევროკავშირი უკრაინას 500 მილიონი ევროს სამხედრო დახმარებას მიაწვდის

ევროკავშირის საგარეო საქმეთა და უსაფრთხოების პოლიტიკის უმაღლესი წარმომადგენელი, ჯოზეფ ბორელის ინფორმაციით, ევროკავშირი უკრაინის შეიარაღებულ ძალებს 500 მილიონი ევროს სამხედრო დახმარებას გაუწევს. ქვეყნების შეთანხმების შესახებ ინფორმაცია ბორელმა Twitter-ზე გაავრცელა. "ევროკავშირის წევრი ქვეყნები შეთანხმდნენ €500 მილიონის სამხედრო დახმარების მობილიზებაზე, რაც დახმარების მეხუთე ტრანშია უკრაინის შეიარაღებული ძალების შემდგომი მხარდაჭერისთვის. ევროკავშირი ორიენტირებულია და ურყევად უჭერს მხარს უკრაინას პარტნიორებთან ერთად", - წერს ბორელი.