ქარმა საცხოვრებელ სახლებს სახურავები გადახადა – სტიქია გურჯაანში

უამინდობამ პრობლემები შექმნა გურჯაანის მუნიციპალიტეტში. ძლიერმა ქარმა საცხოვრებელ სახლებს გადახადა სახურავები და მოგლიჯა ხეები, რამაც ჩახერგა გზები, დააზიანა ელექტრო გადამცემი ხაზები. დილიდან ადგილზე მობილიზებულია მერიის ყველა შესაბამისი სამსახური, სახანძრო-სამაშველო ბრიგადები და მიმდინარეობს სტიქიის შედეგების სალიკვიდაციო სამუშაოები.