ქართველი ძალოსანი ანტონ პლესნოი ოლიმპიურ თამაშებზე ატაცში მესამეა

ტოკიოს ოლიმპიურ თამაშებზე 96 კგ წონით კატეგორიაში მოასპარეზე ქართველი ძალოსანი ანტონ პლესნოი ატაცში მესამე ადგილზე გავიდა. პირველ ცდაზე მან 173 კგ ასწია, მეორეზე - 177 კილოგრამის დაძლევა ვერ შეძლო, მესამეზე კი იგივე წონა - 177 კგ დაძლია. პირველი მოძრაობის შემდეგ საუკეთესო სამეული შემდეგნაირად გამოიყურება: 1. ბოადი სანტავი (კანადა) - 178 კგ 2. კეიდომარ ვალენილია (ვენესუელა) - 177 კგ 3. ანტონ პლესნოი (საქართველო) - 177 კგ. წინ არის ასპარეზობა აკვრაში, რომლის შედეგადაც 96 კგ წონით კატეგორიაში მედალოსნები გამოვლინდებიან.