ქვეყანაში უმძიმესი წუთებია! _ პრეზიდენტი გუდაურში დატრიალებულ ტრაგედიას ეხმაურება

საქართველოს პრეზიდენტი, თეთრი არაგვის ხეობაში დაღუპულთა ოჯახის წევრებს უსამძიმრებს. "ქვეყანაში უმძიმესი წუთებია! სამძიმარს ვუცხადებ დაღუპულთა ოჯახებსა და ახლობლებს! გმირობის ტოლფასია ყველას თავდადება, ვინც სამაშველო ოპერაციაში მონაწილეობდა!"- წერს სალომე ზურაბიშვილი "ფეისბუკზე". სამაშველო ვერტმფრენის ჩამოვარდნას დღეს ბორტზე მყოფი 8 ადამიანის სიცოცხლე ემსხვერპლა. მაშველები და მედიკოსები გუდაურთან ახლოს, ხევში ჩავარდნილი პარაპლანისტების სამაშველო ოპერაციისთვის მიფრინავდნენ, ვერტმფრენმა მართვა დაკარგა, ჩამოვარდა და აფეთქდა.